Geguritan Cangak

Niki Wantah transkip geguritan sang cangak sane pipil tiang saking kaset. Geguritan punika karembayang olih I Nyoman Rede lan kartos olih Dewa Aji Wanten saking Negara-Bali. Yaning meled jagi mirengang mp3 nyane, rarisang downloadring link puniki 
Geguritan Bali MP3

Pupuh Ginada

1.    Bapa jani manuturang

Apang cening jwa minèhin

Satwannya ya i sang cangak

Ngeka daya mapi sadhu

Momonnyane kaengkebang

Gampil katakil

Apang siddha mikolihang.

2.    Ngawit bapa manuturang

I cangak sedek minehin

Kenken jani ban madaya

Bene apang bakat ejuk

Di telagane apang telah

Sekabedik

Sadina awake ngamah.

3.    Melah jani upayaang

Jani ngamah malu tuni

Ngalih di tongose lenan

Bene apang tusing tau

Alusin malu ya baan

Sekabedik

Mūsti ya sayan tabah.

4.    Yening suba boh makejang

Gampang jani ban ngejukin

Peped ya sekabedikang

Keberang johang mundut

Ditu mara lawut tadah

Kenyir-kenyir

I cangak pragat ngeka daya. 

5.    Carita ya pasemangan

Di tlagane ane aśri

Ditu maring tengahing alas

Kapayasin bungan tuńjung

Eyehńane dalem pesan

Turing ening

Liyu bene maulehan.

6.    Majujuk ditu i cangak

Batis nengkleng semu rimrim

mapanganggo ya sarwa petak

Meganitri lan maketu

Manting-anting masulimpang

Cara suci

Mirib kadi sang bhagawan.

7.    Sing taen ngutang semengan

Sang bhaka suba maningkrik

Majujuk saih di tengah

Nanghing ya sing taen ngantug

Peesnane kagelekang

Ngwalek di ati

Nah jani buwin kesepan

Pupuh Sinom

1. Yan kudang dina kapo i cangak

Nyalanang daya ane culig

Mabet abet twara mangsa

Yadin ada manguyakin

Bene iya saayan bani

Mapunduh ya tur mangrubung

Ada bani manetesang

Maatur manunas sisip

Aksama ratu

Tityang mangkin manunasang.

2. Tityang dahat angob pisan

Dados usan mamati mati

Mamaksa sakancań tityang

Sang bhaka keńyung nayawurin

Yen ento tunasang cening

 nah ońyangan malu kumpul

Apang ońya madingehang c

Ritan bapane ne ngūni

Saking tuhu jani bapa manuturang.

3. Ne malu maan sakit raat

Dasdasan bapa mati

Ngarengreng teken kaah-kaah

Angkyan bapa nu abedik

Gantin bapa nu maurip

Bhatara asung manulung

Masabda saking mantra

Mapica ubad dahat sulit

Apang suwud

Bapa ńalanang himsa karma.

4. Di suban bapa ngiringang

Bapa seger pramangkin

Tanpa boreh tan pa ubad

Di subane seger jani

Bapa bwin kandikain

Maprayascita mapupug

Mawinten terus kadhiksa

Nganūtin śasana śuci

Dadi wiku

Mańyalanang kadharman.

5. Bapa tusing bani tulak

Teken pawisik sang hyang widhi

Jani suba bapa ńalanang

Suwud mangsa mamati-mati

Dadi padanda mraga śuci

Dosan bapa ane malu

Tebus bapa apang telah

Eda takut cening jani

Mai mapunduh

Ngajak bapa mapeneman.

6. Sang bhaka keńyem di manah

Reh dayane mangambahin

Bene tusing ada rengas

Pada meled panesekin

I cangak mańyambungin

Prajani ngesehin semu

Mamuńyi ngarod megat-megat

Uduh panak bapa cening

Twara buwung

Cening enggal karusakan.

7. Sedih bapa tan pahingan

Reh lekete teken cening

Bapa suba pedas pesan

Ortha ne ya suba pasti

Mendega peńcar lan pańcing jaring

tukang sungsung lan sewu

Lakar teka mangubekang

Di sasih kapate jani

Twara buwung

Cening ońya kabakatang.

8. Pegat muńyin ne nuturang

Lawut mulisah i cangak ngeling

Marūpa kangen lulut mengawas

Saha ngame-ame hyang widhi

Duh pukulun dong suryanin

Tityang i tua gunngun

Nirguna san yajńan tityang

Tan siddha antuk nulungin

Mirib lampus

Sisyane padem makejang.

9. Mara munto ngulame i cangak

Bene ditu pada miragi

Makejang bene katakutan

Ningeh wacanan sang maharsi

Ada ngarepang matūr aris

Ampura paduka maharsi

Tulungin ūripang śisyan iratu

sakańcaning watek iwek

Ledang ratu mapica urip

Tusing lampus

Sisyan i ratu makejang.

10. Ledang ratu tunas tityang

Urip sisyane  makasami

Ida padanda macengaehan

Sinambi mesemu jengis

Pangus nyutsut toyan aksi

Tur muńyine ngrerńes alus

Mecuk alis cara ngenehang

Bapa inget teken cening

Cening bagus

Ada tlaga melah pesan

11. Apit gunung lingah pisan

Bwina danune lintang ilid

Yehńe ening kalintang d

Alemńe tan kadi-kadi

Keneh bapane jani

Yan suba cening sepaut

Jalan kema cening mapindah

Seka bedik bapa ngajangin

Yaning cumpu

Bapa pacang memuatang

12. Sedina bapa ngeberang

Sinah sing kabhayapati

Pragat i cangak nuturang

Be ne apang ngitungin

Mani semeng apang nampi

Yaning pada sampun cumpu

Keto pabesen i cangak

Be ne sangkep gelis

Pagarudug

Tusing tau teken naya

13. I lubak masangang daya

Nyaru ia mabulu kedis

Nanging ukud ane tulak

I yuyu śiksa di ati

Aketek twara ja nguguanin

Teken solah i cangak letuh

Sawireh sarune mekada

Tepung pamor minekadi

Wireh patuh

Yan tan bakat rasayang

14. Dija ada unduk buayane

Tuwara ngamu memati-mati

Ngakal ngae pules-pulesan

Apang bani manesekin

Yening mūla dasar culig

Kasane anggon mengaput

Kasuwen iya pasti ngenah

Jati luya ane rihin

Janten luntur

Ane patut yadin loyang.

15. Mabet-mabet twara mangsa

Apang eńyak manesekin

Liu yan imba-imbayang

Anggon titi maminehin

Sawireh liu paciri

Kadi ya i kedis celepuk

Buta yen kala lemah

Reh ajerih ring hyang rawi

Yaning surup

Ya ke cedang mengawasang

Pupuh Ginada

1. Wireh paswara ngalahang

I yuyu ya jani nengil

Crita mani pasemengan

I cangak suba jumujug

Be ne pada ya menekan

Saling maluin

Pang malunan kapindahang

2. I cangak mamunyi banban

Suba kapacuk ban cening

Yen pacuk lan majalan

Bapa tusing maksa bengkung

Lamun cening twara enyak

Tusing pedih

Wireh cening ngrasayaang.

3. Swaddharman bapa nguduhang

Mapawekas teken cening

Apang tusing kena beńcana

Keneh bapa saking tuhu

Nulungin buka i dewa

Aduh cening

Bayun bapa kesyab-kesyab.

4. Ne jani bene magarang

Ngatūrang awak saling malunin

Nunas ratu jwa gelisang

Bwat tityang mangda kantun

Sang cangak mańyawisang

Nah magilir

Kudyang bapa acepokan.

5. Sarahina kagilirang 

Sang cangak kendel mangikrik

Mokoh sadina mangamah

Kaejohang maring gunung

Di duwur batune asah

Ngae silib

Ne nu pang da ya nawang.

6. Makelo-kelo suba sinah

Bene ditu sayaan tekis

 twara nu magantulan

Tulangańyane liu madugdug

Dadi batu tongosne ngamah

Ne si duri

I yuyu kena giliran.

7. Di gantinne ya kapindahang

I yuyu suba di tepi

Sang cangak enggal teka

I yuyu nesek umatūr

Inggih paduka padanda

Nunas gelis

Mangda  tan tityang kasepan

8. I cangak sada runtag

Yen pet katara ne jani

Sing buwung lakar kasengkala

I yuyu ngarepang ditu

Bawongńane kagisiyang

Antuk kapit

Tur matūr apanga enggal.

9. Twara dadi ya tanggehang

I yuyu apang kaenggalin

Alon i cangak ngeberang

I yuyu ditu magantung

Di bawongńane i cangak

Kaget gelis

Teked di batu ne asah.

10. I yuyu ditu mamedasang

Tulang madugdug mamutih

Nanging ya suba sedia

Jani bhūktine katemu

Kapitńane keakesang

Tur mamuńyi

Iba cangak nah orahang.

11. Tulang apa to makacakan

Miwah dhanune śuci

Jani kai suba pedas

Iba mapi-mapi sadhu

Ńyaman kai telah amah

Cai da mungkir

Bhukti gede mańyihnayang.

12. Sambil kapitne keakesang

Mamatbat mangancan mati

Tebus dosan caine cangak

Urip ibane bakal bancut

Dosan ibane kaliwat

Jani asanin

Bawong ibane bakal pegat.

Pupuh Dandang

1.    Lamen jani buin bapa manuturang

Satuane i cangak bagusan cening miragi

satuan bapane ngacuh

Ngandang nganjuh tanpa indik

Medasar ban keneh sayang

Krana bapa mula lacur

Tuah mebantang ban manah sane sayang

sayange mapianak

Madak sida manggih melah.

2.    Krana keto hidupe tuah ajahan

Ngumbang dijagate

Bekele tuah kekalih

Suka duka mati hidup

Sugih tiwas beneh pelih

Ento tusing ngidayang impasang

Ne ulati jalan tuwut

Laksanane ane corah pang bedikang

dosane bakat kapupu

Sinah berat riwekasan

Pupuh Ginada

1.    I cangak slegak-selegak

Ngacuh munyi ngidih urip

Pelih icang saja pesan

Kwala icang ngidih idup

Apa cai kakenehang

Kal adanin

Buin seidupe mamanjak.

2.    I yuyu jani manimbal

Da cai liyu mamunyi

Aba kai malipetan

Di tongos kaine malu

Yening cai nora enyak

Dini mati

Basang kaine gragetan.

3.    I cangak sing nidayang ngudyang

Uripne suba magisi

Kudyang ban manyelselang

Malipetan bayune suwung

I yuyu tetep sedya

Satata nepit

Bawong ipune i cangak.

4.    Enggal jani kacritayang

I yuyu teked ya jani

Di tongos ne i pidan

Dimarane menceg tuun

Kapitnane keakesang

Sambil mamunyi

Nguman-uman ya i cangak.

5.    Jani kal manutugang

Munyin kal ane tuni

Cai tuwi madasar corah

Satata madya apus

Sing pantes baang ukuman

Bangka cai

Anggon pamayahan salah.

6.    Di subane kaah-kaah

Nagih bangka kelik-kelik

Enu masih cai corah

Nagih nomok apang idup

Yening suba cai elah

Pasti buwita

Ngulah aluh panga motah.

7.    Sajaba cai bangkaang

Tan paguna nu maūrip

Saidupan ngae cara

Ne karmman caine pupu

Ala ayu mūla mabwah

Tur kakapit

Pegat bawong ya i cangak.

Pupuh Sinom

1.    Disubane i cangak pejah

Atmane melecut gelis

Manyujur sunia loka

Karmapala ne ngatehin

Parek ring yama dipati

Ne nerima dane sepawut

Teken salahe di lemah

Ala kelawan becik

Mapan ditu

Mapulan sarwa endah.

2.    Atma udang lan nyalian

Pada girang mepagpagin

Atmane ya i sang cangak

Praya lakar menyakitin

Ngewalesang duke urip

Jani ada jalan luwung

Apan jani maan tandingan

Cara bikas ne maurip

Pada kamiuh

Nandan atmane sang cangak.

3.    I cangak mekesiab ngajinang

Kimude tan sipi-sipi

Inget teken laksana corah

I nyalian nyapatin

Jero mangkin wau prapti

Napi mawinan manutug

Sisian mangku sami mendak

Nguda mangku dadi sintrik

Tan maketu

 bajrane dija mekutang.

4.    Benyah kenehne i cangak

Kimude tan kadi-kadi

Alus munyine i nyalian

Kaborbor memanesin

I cangak kolok manengil

I nyalian buin ngelantur

Kenyir manis sada banban

Napi karya mangku mai

Jaga muput

Napi wenten sang mayadnya.

5.    Duh bapa lacur pisan

I yuyu sane menyakitin

Baong bapane pegat

Nebus dosan bapane nguni

Ne jani bapa ngatehin

Ngalih tongos ane luwung

Nyalian kenyem nimbal

Nyadia tityang mengatehin

Genah luwung

Sampun nyantosang pedanda.

6.    Suksma bapa ring manah

Wireh cening jemet miragi

Jani bapa buin nutugang

Ceritanya i cangak culig

Sinah melawat ban cening

Buah karmane kapupu

Ala ayu mula mabuah

Sang cangak mengalap jani

Tur manutug

Mangateh kedasar kawah.

7.    Tukad srayu kaliwatang

Udang nyalian mapagin

Juru tuyuhin lampah

I cangak ya bingung paling

Liu tepuk tawah nakutin

Mrasa teken dewekne malu

Enggal bapa nyeritayang

Di tegal penyangsarane prapti

Liu tepuk

Atmane ke bayang-bayang.

8.    I cangak jejeh ngerengak

Merasa teken bikas nguni

I cangak jani menakonang

Sangkan bapa ajak mai

Bapa takut mengiwasin

Ada matitig miwah megantung

Manut dosane di lemah

Ane ada uber api

Paseleguk

Pajerit mangalad-alad.

9.    Ada buin ajinang bapa

Ane ka oros kelolohin

Wadah kau badeng singrang

bungutnyane pecik ngejengit

Tuara nguning wus sedih

I betara lintang bendu

Ngaambil pentung ke bayang-bayang

kenken salahnya ento cening

Duke malu

Udang nyalian tur menanggal.

Pupuh dandang

1.    Ida sang yama dipati

Tusing dadi duegun nutur

Juru raos apang melanin

Yadin sundul pipis emas

Sing ngidayang tuara buung

Yan solahe mula salah suba sinah

Dini jani maan pikolih

 teken karmane jele pisan.

2.    Ya i cangak sayan resres kejejehan

Ngelawin ngucap

Sangkan keto cening jani

Sepala cening manulungin

Enggalin ajak makisid

Bayun bapa jejeh pisan

Apang bapa tusing katemu

Yan hukuman baat pisan tulung akalang

Orahang atma suci

Dumitis bapa kal memanjak

3.    Ih cangak dadi congah cai mangucap

Tuara merasa teken awak

I nyalian muah lekin

Nah icang tutug

Icang sanget medalem cai

Ento ada tongos melah

Teken bikas caine apang manut

Ne pantas kawah pangeleburan corah

Ditu cai tongosin

Cai dadi dasar kawah.

4.    Tur bengong i cangak kamemegan

Baongne kajemak

Kaered jani

Be lan udang pada milu

Bareng ngered ewer mamunyi

Ih cai bako corah

Kaden cai dini patuh

Dosan caine dilemah ilidang

Dadi rurubin ban pipis

Yadin duege mangakal

Pupuh Ginada

1.    I cangak mangebyugan

Awak ngetor sambil ngeling

Takutne sayan nyangetang

Ngajinang atmane liu

Kesakitan ke bayang-bayang

Pada pajerit

Ngeres basing ya i cangak.

2.    I nyalian buin mangucap

Ih cangak nah iwasin

Ento ane kebayang-bayang

Buin kesep lakar kaceplung

Buat dadi dasar kawah

Tekening cai

Buah corahe di lemah.

3.    Dilemah ngidayang ngelak

Pelih ngidayang impasin

Wireh dueg manyaruang

Kantine anggon pakukuh

Ane salah dadi asah

Bisa kalis

Kantine ngraosang